Le texte de cette page a été corrigé et est conforme au fac-similé.
A un Maistre d’hostel d’un Abbé,
dettractant de luy.
Maistre d'hostel, c’est la manière
De s'advancer pour bien flatter.
De moy mesdites en derriere,
Davant vous n’osez caquetter.
Vous triumphez à inventer
Des propoz faulx et deshonnestes,
Pensez, Coquardeau, qui vous estes,
Avant que mon Arc je desbande,
Pensez d'achapter des cliquettes,
Car vostre Face les demande.
A un usurier.
Virlay.
Las. ne veoys tu pas,
Le perilleux pas
Ou te vas fourrer ?
C'est un paouvre cas,
Pour quelque ducas,
Ainsy t'embourrer.
Tu te veoys errer,
Et droict t'enferrer,
Mais abusé, tu n’en fays compte.
Pense à te serrer,