Le texte de cette page a été corrigé et est conforme au fac-similé.
Pour tout reprendre par malice,
Tu nous reproches ton sçavoir :
Regarde bien à ton debvoir,
Il n'est si ferré qu’il ne glisse.
A tous Chrestiens.
En la personne de la vierge,
Mere de Dieu.
Celle je suis qui sans pair ay esté,
Car en mes faicts j'ay confondu Nature,
Jesus en moy print sa nativité,
Jamais pourtant ne cogneu creature.
Vierge j’estois, Vierge fuz tousjours pure,
Ancelle, Fille.et Mere ensemblement
De mon cher Filx, par mon gouvernement
Servant d’exemple, à tout Chrestien fidelle,
Quiconques dit ou escript aultrement,
Eft reprové, meschant et infidelle.
A Madame la Duchesse d’Estampes.
Qui fait Marot Poète tant illustre ?
Qui ? (dires vous Madame) sa science,
Celà est vray, mais aussy fort l'illustre,
Nostre bon Roy son appuy, qui l’advance.
Si vous plaisoit me prester la main en ce,
