Le texte de cette page a été corrigé et est conforme au fac-similé.
Pour te mesler ainsy de mon affaire ?
Cognois un peu que jugement ce fault,
Tu me reprendz et rien sçavrois tant faire.
A Marot.
Du faulx bruict de sa Mort.
Il fut un bruit, ò Marot, qu’estois mort,
Et ce faulx bruit un menteur asseurà.
L'un d'un costé, se plaignoit de la Mort,
Faisant regret qui longuement durà.
L'aultre, par vers piteux la deplorà,
Gettant souspirs de dur gemissement.
Moy, de grand dueil plorant amerement,
Duquel estoit ma triste Ame saisie,
Las, dys je, mort est nostre Amy Clement ?
Morte donq’ est Françoise Poésie.
A Monsieur le Baron de Bressieux,
D’un qui mesdisoit de luy en
son absence.
On a, Monsieur, de moy mesdit,
Pour me priver de vostre grace,
Gents qui veulent avoir credit.
En controuvant quelque fallace.
Si suis je seur, quoy que ion face,
