Le texte de cette page a été corrigé et est conforme au fac-similé.
Car lon m'a dit icy apertement,
A me saulver mon Merite estre indigne.
Mais j'ay monstre à jesuchrist, par signe,
Qu'il ne debvoit me faire tel exces.
Lisez, lisez en ce Docteur tresdigne,
Car j'ay espoir d'en gaigner mon proces.
A un du pareil ordre, qui en preschant,
donnà la Foy au Diable.
Grandement est Sathan à toy tenu,
De quoy tu as son party soubstenu
Contre jesus, par ta folle hardiesse.
Jesus n'a rien que la Foy retenu,
Par laquelle est son regne maintenu,
Et faicte aux siens de Justice promesse,
Quand tu as veu qu’on a par son addresse
Cogneu l'abus de toute Hypocrisie,
Tu l'as donnée au Diable en frenaisie,
Cuiddant ainsy nous priver de tel bien :
Mais recognois ta folle fantaisie,
Donner ne peux la chose où tu n'as rien.
Du mesme, avec allusion
à son Nom.
Tesbays tu, Lecteur, si ce sotard,
