Le texte de cette page a été corrigé et est conforme au fac-similé.
Escot, le Grec le determine
Pour tout obscur et sans lueur.
Escot aussy, est un Docteur,
Que Cordeliers pour eulx eslisent,
Qui met souvent en grand’ erreur
Tout ceulx qui le tiennent et lisent.
Epitaphe d’un Cordelier, lequel, en sa
vie, avoit tousjours presché, que ses
merites estoient suffisants à le
saulver, sans la Grace
de Dieu.
Icy repose un grand religieux
De sainct François, qui pour porter la haire,
Et d’un habit à plusieurs odieux,
Par le dehors l’homme sainct contrefaire :
A heu pouvoir par ses Oeuvres perfaire,
Ce que n'ont peu les Apostres jadis.
Ò benoist froc, qui a peu le bien faire,
De meriter sans Grace, Paradis.
Du mesme, parlant apres sa Mort
à ses Freres.
Sus, lisez tous, Freres, diligemment,
Que dit l'Escot du merite condigne.
