Le texte de cette page a été corrigé et est conforme au fac-similé.
Mettant l’Esprit la hault par sa puissance,
la Chair cy bas, avec son Corps en terre.
Foy, Esperance, et Charité,
n’estre qu'un.
Foy sans Amour, ne peut estre Foy vive,
Car vive Foy oeuvre par Charité.
Et de ces deux, Esperance derive,
Qui nous conduit a vivre en purité.
Nons esperons ce que la Vérité
Nous a promis en croyant, par ainsy
Accomplirons ce qu’il commande aussy,
C’est d’avoir tout ( comme Freres ) commun
Par Charité. Donc je metz par cecy.
Foy, Charité, et Esperance en un.
Que, comme le Soleil ne peut luire aux
Aveugles. l’escript divin, ne peut
illuminer les Charnelz.
Le clair Soleil universellement,
Espand ses rayz pour un chascun conduire,
Et touteffoy ne peut aulcunement
( Tant soit il clair ) aux Aveugles reluire.
Ainsy combien, que Christ nous face luire,
Sa Vérité en la sainct escripture,
