Et ne sçaurois entre Gentz plaisanter,
D’où prendz tu donq’ une si folle audace
De ton service aux Dames presenter?
Tu ne sçays rien, sinon de te venter
Qu'as ung gros membre, et long oultre mesure,
Vat'en ( Villain ) au Bordeau, contenter
L'infect desir de ton orde Luxure.
Le Cueur, reprend L’oeil de regard trop
vollaige. Et le prie de s’en retirer.
Vers Alexandrins.
Ne pourrois tu mon Oeil, un petit t’engarder,
Te getter si souvent sur son luysant visaige?
Plus la regardes, plus tu la veulx regarder,
Et par ton fol regard, je suis en une raige.
Je te pry, que tu sois dorenavent plus saige,
Et que ta legierté n’augmente ma douleur.
Elle est un Parangon, mais quoy, tu n’es pas seur
De l’attirer à toy, ce dangier est à craindre.
Parquoy, pour ne tumber en un plus grand malheur,
N'allumes point le feu que ne pourras estaindre.
A MadamoiselIe Jeanne de Raucoulles.
Que la cognoissance de Dieu oultre-
passe tous aultres dons.
Si pour beaulté, pour avoir, et noblesse,
