Le texte de cette page a été corrigé et est conforme au fac-similé.
Car ne pourrois en trouver le moyen.
Si respondent voulez, je le veulx bien,
Mon Cueur respond, et se met en ostaige.
C’est mon thresor, d’aultres biens je n'ay rien,
Je vous supply le retenir pour gaige.
Au Seigneur de Parnans.
Quoy que deux Amys se separent l'un
de l’aultre, que toutefoy, sont
tousjours presents.
Frere, qui dit Amour estre immortel,
A mon advis a bien touché au poinct.
La raison est, car s'il estoit mortel,
Seroit au Corps, et non à l’Estrit joinct.
Or, le Corps meurt, mais l’Esprit ne meurt point,
L'Esprit ne meurt, ne donc l'Amour aussy.
Et oultre plus, je dy, que tout ainsy
Que nostre Esprit en toutes parts s’empare,
Si fait l'Amour, et concludz par cecy,
Que le depart des Corpz ne nous separe.
A un ord Villain, qui en compaignie
de Dames, jactoit la grosseur
de son Membre.
Tu n'as beaulté, bonté, ne bonne grace,
