Ma vive ymaige en prendrà le plaisir
En lieu de moy, le temps de mon absence.
Vous me direz, n'estre qu’une semblence.
Et, quoy que soit aulcune vive trace,
Que pour celà, n'a pas grand' efficace,
D’aultant, que c'est seulement chose mue,
Il est bien vray, mais pour la paincte Face
Parle mon Cueur, qui dans vous se remue.
A monsieur Dolet,
D’un Detracteur, mesdisant de luy.
Si ce Baudet, ton sçavoir tant peu prise,
Que çà et là, ton nom aille mordent,
Consideré sa tresfolle entreprise,
Ce n’est pas trop merveilleux accident.
Son meschant Cueur est assés evident,
Jà les enfantz en vont à la moustarde.
Il cognoistrà plus a plain, quoy qu'il tarde,
Qu'il a gaigne prendre le frein auz dentz.
Mais à ce Sot, ne te fault prendre garde,
D'un Sac ne sort, que ce qui est dedans.
D’aulcuns mesdisans, luy ſaisans
reproche de la paouvreté
de s'Amye
Les mesdisans m’ont souvent fait reproche
