Le texte de cette page a été corrigé et est conforme au fac-similé.
Et poursuit tous les Gentz de bien,
Ce n’est pas merveilleuse attaincte,
Car Dæmonique ne vault rien.
D’un Evesque portatif.
Monsieur l'Evesque portatif,
Oster un R vous fauldra.
Puis, si le nom est potatif,
C'est ce que mieulx vous conviendra.
A Madame l’Abbesse de
la val, en Daulphiné,
estant Malade.
Si maintenant estes au lict mal saine,
Tristes en sont noz Parentz, et Amys.
La Maladie est un peu bien loingtaine,
Loué soit Dieu, qui ainsy l'a permis.
Oster vous peut du lieu, où vous a mis,
Mais adiouxter y fault vostre puissance.
Efforcez vous, prenez resjouyssance,
Suppeditez vostre mal au possible.
Ainsy viendrez tost à convalescence,
A cueur vaillant n’y a rien impossible.
