Le texte de cette page a été corrigé et est conforme au fac-similé.
Estre Amy faulx. et traistre, et decepvable.
Ò pleust à Dieu, que ton Cueur tant muable
Du premier jour ce fust fait apparoistre:
Ou qu’eusse bien practiqué ce notable.
Avant qu'aymer il est bon de cognoistre.
A Michel de sainct Jhean d’Arles, jeune
homme de grand jugement sans lettres.
L’homme docte est prisé par sa Science,
Si esse peu d’avoir Art sans Nature.
Mais le Sçavoir joinct à l’Experience.
Au jugement fait bien grand’ ouverture,
C’est plus grand cas, si sans littérature
L'experience on a, et jugement.
Lequel Sçavoir, on sçait apertement
Reluyre en toy par esprouvé effect.
On ne veoit pas celà communement.
Loué soit Dieu du grand bien qu’il t'a faict.
D’un frere Dæmonique blasmant
l'escripture saincte
Si Dæmonique contredit
Tousjours à l'Escripture saincte,
Si Dæmonique trop mesdit
Des bons, sans avoir de Dieu craincte,
Si Dæminique a langue faincte
