Le texte de cette page a été corrigé et est conforme au fac-similé.
Si nen doibs je, ( fait l’oeil ) estre repris,
Ce que j'ay fait, l’ay fait comme Messaige.
A un grand Venteur, que souvent
venterie est sans effect.
Si pour parler aulcun faisoit merveilles,
Tu serois jà le nompareil du Monde.
C’est trop jasé, tu nous romptz les oreilles
En racomptant ta puissance profonde.
Il n’est aulcun vivant qui te confonde,
Milon. Cacus, ou Hercules, combien
Que fussent fortz, à t'ouyr, ne sont rien,
Toute forcé est pres de la tienne molle.
Pour Dieu tay toy, la fin on preveoit bien.
Un grand Venteur n’a souvent que parolle.
A noble Exupere de Claveyson,
Seigneur de Parnans, respon-
ce a son Dixain
Quoy qu’un Ouvrier son ouvrage deprise,
Il ne s’ensuit, qu’il ne soit pas bien fait.
Repris sera celuy, qui trop se prise,
Et exaulcé, qui rabaisse son faict.
Ce, que tu fais, tu dys estre imperfaict,
Mais de celà te prise davantaige.
