Le texte de cette page a été corrigé et est conforme au fac-similé.
Ha Cupido, là monstrez vostre Enfance,
D’estre du bien si fol dispensateur.
Prodigue Enfant, vous aurez un Tuteur.
Au Painctre, qui avoit pro-
traict un Moyne au vif.
Si Apelles, painctre tresexcellent,
Tant renommé pour son perfaict ouvrage,
Eust mis la main à paindre ce Galand:
Il n’eust sceu mieulx, retirer son visaige.
Nayfvement le naturel umbraige
Y est assis, tant de bas, que de hault,
Bref, je veoy là un perfaict Art, quil fault
Pour le nombrer un Oeuvre entre merveilles.
Mais il y a au Cahuet deffault,
Car vous debviez luy faire deux oreilles.
A une dame inconstante.
Vous me changez pour aultruy, belle Dame,
Vueille je ou non,il m’y fault consentir.
Mais tost,ou tard, vous en aurez le blasme,
Le temps asses le vous fera sentir.
Souvent changer, fait souvent repentir.
