Le texte de cette page a été corrigé et est conforme au fac-similé.
Nous donnons une grand' louenge,
Mais si tu trouves trop estrange,
Que j'ay mis rythmes en avant,
Je te pry, ò homme scavant,
Faire l'honneur à mon escripre,
De jamais ne le veoir et lire.
Aux Françoys,en recommendation du Li-
vre de Dolet, de la maniere de tra-
duire, punctuer, et accen-
tuer en nostre Lan-
gue. Avecques
exhorta-
tion
à tous lettrés
Françoys, s'aymer
et soubstenir l'un l’aultre.
Ces jours passés, Dolet, qui par grand, cure,
L'immortel bruict de sa Langue procure :
Pour au Françoys, Françoys habituer,
Comme pour lire, et pour bien punctuer,
Et purement aultre Langue traduire :
Petit Livret t'a voulu introduire,
Plein de proffit. Ò noble esprit Françoys,
