Le texte de cette page a été corrigé et est conforme au fac-similé.
D’estre de Meurs au tien fort allié.
Gascon ne fut, mais son Gascon sentoit:
louant un tout d’un Moyne resnié.
A Monsieur d’Alein,
d’Arles.
Que l’homme médisant de la Femme,
mesdict de soy mesme
En soustenant le sexe féminin,
Contre ces Sots, qui en veullent mesdire:
Je ne vouldroys en rien, du masculin,
( Suivant ainsi leur enfance ) mal dire.
Il y a tant sur Homme que redire,
Premièrement se debvroyent recognoistre:
S'ilz veulent puis, de la Femme cognoistre:
Regard auront à leur propre diffame.
L'homme descheoit, se cuiddant faire croistre,
De soy mesdit, mesdisant de la Femme.
De Beringue s'Amye,
et de soy
Veoyant un feu sur boys sec, sans arsure,
Dys à Venus. Ò Dame, par quel art,
Est ainsi fait ce feu contre Nature,
