Si doiz estres cointes et nobles[1] ;
Tu doiz avoir mingnotes robes,
Biaux palefrois et biax destriers,
Dorez loreinz, dorez estriers,
Sele dorée, esperons d’or ;
Boif et menjue assez et dor,
Et fai tot ce qu’ancors plera ;
Car assez iert qui mal trera.
Tant ai-ge bien du siècle apris
Que par toi est vil et despris,
Et assez treuve mesacointes
Qui ne se tient nobles et cointes :
Qui se tient vil, chacun l’aville ;
Simples hons ne valt une bille.
Trop papelars estre souloies
Quant tu à genoillions lavoies
Les piez la povre ribaudaille.
N’afiert à home qui rien vaille
Qui let les piez à un truant,
Car crapot sont ort et puant[2].
Bien assotez certes estoies
Quant tu du tien[3] les revestoies
Et en esté et en yver.
Fi ! mielz volsisse que li ver
Toz les éussent demangié !
Tu[4] r’estoies si enchargiés[5]
De vermine que tu puoies.
Par la haire que tu vestoies
Tu r’anduroies si grant peinne ;
De géunes, de triolaines
Jaines estoies con pié d’écoufle,
Tot te ne valt une viez mofle.
Boif et mengue, si t’aaisse :
Hom qui trop suefre de maleisse
Ne puent mie longuement vivre.
Je te commant tot à délivre
Que tu t’oisses en toz endroiz.
Tu ies biaux clers bien et adroiz,
Page:Rutebeuf - Oeuvres complètes, recueillies par Jubinal, tome II, 1839.djvu/293
Le texte de cette page a été corrigé et est conforme au fac-similé.
286
NOTES