Page:Rutebeuf - Oeuvres complètes, recueillies par Jubinal, tome I, 1839.djvu/313

281

DOU PET AU VILAIN.

Mais cil qu’en aus n’ont charité,
Ne sens, ne bien, ne vérité^[1],
Si ont failli à cele joie,
Ne ne cuit que jà nus en joie
S’il n’a en li pitié humaine.
Ce di-je por la gent vilaine
C’onques n’amèrent clerc ne preste,
Si ne cuit pas que Diex lor preste
En paradis ne leu ne place.
Onques à Jhésu-Christ ne place
Que vilainz ait herbregerie
Avoec le filz sainte Marie ;
Quar il n’est reson ne droiture
(Ce trovons-nous en Escriture),
Paradis ne puéent avoir
Por deniers ne por autre avoir ;
Et à enfer r’ont-il failli,
Dont li maufez sont maubailli ;
Si orrez par quel mesprison
Il perdirent cele prison.

Jadis fu uns vilains enfers :
Appareilliez^[2] estoit enfers
Por l’âme au vilain recevoir ;
Ice vou di-je bien de voir,

torité. etc. » Méon a également laissé cette pièce dans son édition du recueil de Barbazan. (Voyez Fabliaux, t. II, pag. 67.)

1. Ms. 7615. Var.
   Mès cil qu’en aus n’ont vérité,
   Ne bien, ne pais, ne charité.
   Ms. 7633. Var. :
   Ne bien, ne foi, ne loiautei.
2. Ms. 7633. Var. Empareilliez.