Cette page n’a pas encore été corrigée
VI
L’enfant contre lequel ny targue ny salade
Ne pourroient résister, d’un trait plein de rigueur
M’avoit de telle sorte ulcéré tout le cœur
Et brûlé tout le sang que j’en devins malade.
J’avoy dedans le lict un teint jaunement fade,
Quand celle qui pouvoit me remettre en vigueur,
Ayant quelque pitié de ma triste langueur.
Me vint voir, guarissant mon mal de son œillade.
Encores aujourd’huy les miracles se font :
Les Sainctes et les Saincts les mesmes forces ont
Qu’aux bons siècles passez, car si tost que ma Sainte
Renversa la vertu de ses rayons luisans
Sur moy qui languissois, ma fièvre fut esteinte,
Un mortel médecin ne l’eust faict en dix ans.
