Le texte de cette page a été corrigé et est conforme au fac-similé.
90
I. LIVRE
Qu’on voit la verité :
Car tout ce que la Muſe
Lyrique ne refuſe
D’emmieler par nous,
Cela flatte l’oreille
Qui toute s’eſmerueille
De le boire ſi dous.
Antiſtro.
Il ne faut que i’honore
Ton renom ô Martin,
De fables priſes ore
Du Grec, ny du Latin :
Ta vertu treſluiſante
Comme Aſtres radieux,
Me ſera ſuffiſante
Pour te loger aux Cieux.
Quelle terre eſlongnee,
Quelle riue baignee
De l’vne & l’autre mer,
Quelle iſle deſcouuerte
Ne tient la gorge ouuerte
Ardente à te nommer ?
Epode.
Vous gouuernez les Rois
Poëtes de la Court,
Et ſi de voſtre vois
La memoire ne court.
Si ta grand’ main deſire
De reſpandre le bien,
C’eſt à ce Martin, Sire,
Qui le merite bien.
Stro. 2.
» Certes l’experience
