Le texte de cette page a été corrigé et est conforme au fac-similé.
89
DES ODES.
Et d’vn ſtile tel qu’il faut
Noſtre François eſchafaut :
Des grands Princes miſerables
Trainant en long les regrets
Par tonnerres execrables
Bruyans és tragiques Grecs.
Epode.
» D’eſprit & d’art volontiers
» En tout differents nous ſommes :
» Ne deux ne quatre meſtiers
» Ne nourriſſent pas les hommes :
» Mais quiconque a le ſçauoir,
» Celuy doit l’honneur auoir.
O Baif, la plume pronte
A vouloir monter aux Cieux,
D’vn vol qui la Mort ſurmonte,
Trompe l’Enfer odieux.
A IEAN MARTIN.
ode xv. Stro. i.
A fable elabourée
Deſcrite heureuſement
D’vne plume dorée
Nous trompe doucement,
A l’vn donnant la gloire
Qu’il n’a pas merité,
Faiſant par le faux croire
