Le texte de cette page a été corrigé et est conforme au fac-similé.
129
DES ODES.
Ie ne ſçay quoy qui ta gloire
Enuoira par l’Vniuers,
Commandant à la Memoire
Que tu viues par mes vers.
L’ardeur de la Canicule
Ton verd riuage ne brule,
Tellement qu’en toutes pars
Ton ombre eſt eſpaiſſe & druë
Aux paſteurs venans des parcs,
Aux bœufs las de la charruë,
Et au beſtial eſpars.
Iô, tu ſeras ſans ceſſe
Des fontaines la princeſſe,
Moy celebrant le conduit
Du rocher percé qui darde
Auec vn enroué bruit
L’eau de ta ſource iazarde
Qui trepillante ſe ſuit.
ODE X.
Ay refraiſchir mon vin de ſorte
Qu’il paſſe en froideur vn glaçon :
Fay venir Ianne qu’elle apporte
Son Luth pour dire vne chanſon :
Nous ballerons tous trois au ſon :
Et dy à Barbe qu’elle vienne
Les cheueux tors à la façon
D’vne ſollaſtre Italienne.
F v
