choſes faire mourir l’Amiral & d’exterminer tout
le reſte des Huguenots de la France. Apres auoir
cerché dés la paix de l’an 1570. parmi tous ſes ſuppoſts
& courtiſans vn qui fuſt aſſez habile à leur
tracer quelques moyens pour executer ſubtilement
leur proiect, puis que la force ny auoit de
rien peu ſeruir. S’aſſeurans qu’il n’y auoit aucun
à leur gré mieux auenant à forger vne laſcheté,
quelque beſte qu’il ſoit, au reſte, pour l’inſigne
meſchanceté qu’il nourrit dans ſon courage, que
l’Italien Birague, Gardeſeaux : ne voyans pas auſſi
qu’il y en euſt vn qui ſceuſt mieux garder leur
ſecret.
L’ayans fait venir à eux, luy communiquerent
leur deſſein & volonté : & luy donnerent charge
expreſſe d’auiſer de tout ſon pouvoir à leur tracer
ce qu’il croiroit pour ſeruir à l’execution de
leurs deſirs.
Birague ſe voyant de tant honoré, tout aiſe de
ce qu’on l’auoit prepoſé en affaire ſi important
aux autres de ſa nation, leur promit de faire en
ſorte qu’ils auroyent contentement.
Il ne faut pas douter (ie diray cecy en paſſant)
qu’il ne ſe promiſt dés lors d’auoir l’eſtat de Chãcelier
qu’on luy a du depuis baillé en recompenſe
de ce ſeruice.
Quelques iours ſe paſſerent durant leſquels,
(comme tu peux penſer) le vilain eut beau diſcourir
tout à loyſir & à part ſoy de ce qu’il iugeoit
neceſſaire.
A la fin il ſe reſolut qu’il eſtoit du tout expedient
de mettre en auant de traicter & reſoudre à
Page:Reveille-matin des François, 1574.djvu/377
Le texte de cette page a été corrigé et est conforme au fac-similé.
171
D I A L O G V EI I.
