ſi miſerable eſtat que nos Patriotes & tous nos
voiſins nous meſcognoiſſoyent en plain iour : &
que nul d’eux ne s’oſoit entremettre d’en dire
vn seul petit mot, ou s’il le faiſoit à l'aduenture,
c’eſtoit par maniere d’acquit. Mais ie te prie conte
moy vn peu ce qui s’eſt apres enſuyui de la
pourſuite des Polonois.
Le pol. Ie te diray ce que i’en ſcay. Apres que
la compoſition de nos freres de Sancerre fut ſignee
par le tyran, ſa mere fit entendre aux Polonois
que les Sancerrois eſtoyent contens & qu’ils
auoyẽt ce qu’ils auoyent demãdé. Et au reſte que
quand les Polonois en ſeroyẽt d’aduis elle ſeroit
bien aiſe de voir leur charge touchant les affaires
de Pologne parfaite & accomplie.
Les Polonais bien aiſes penſans que nos freres
de Sancerre euſſent eſté bien traitez, monſtrerent
d’auoir enuie de deſpecher le ſurplus
de leurs affaires : Mais deuant que d’entrer plus
auant ayant examiné & conferé l’edit du tyran
auec les articles que l’Eueſque & Lanſac leur
auoyent iuré & promis, & trouuant que l’edit eſtoit
bien fort eſloigné deſdits articles : en
ce principalement qu’ils promettent vne diligente
inquiſition & ſeuere punition des maſſacreurs,
desquels ce bel edit defend de parler ſeulement,
& d’en renouueller la memoire : ils ſe reſolurent
d’en ouurir propos au tyran. Et de faict,
l’eſtans allé trouuer, ils luy firent vne roide &
ferme inſtance ſur l’execution deſdits articles
que ſes ambaſſadeurs leur auoyẽt promis en ſon
nom.
Page:Reveille-matin des François, 1574.djvu/365
Le texte de cette page a été corrigé et est conforme au fac-similé.
159
D I A L O G V EI I.
