negociation de Pologne : que les Polonoys auec
leſquels ils n’auoyent encores rien conclu eſtans
informez d’vne telle rigueur, s’en offenſeroyent
grandement & ſeroyent bien gens pour rebroſſer
leur chemin ſans vouloir paſſer outre à leur
charge.
Cela, di-ie, fut cauſe que le tyran la ſigna, Dieu
luy ayant par ſa prouidence fleſchy le cœur pour
ce regard. Voila le moyen duquel Dieu importuné
d’autre part par les prières des ſiens, & ayãt
ſon honneur par maniere de dire engagé à leur
conſeruation, s’eſt ſeruy pour la deluirance de
ces pouures Sancerrois. Et ne doute point auſſi
que les nouuelles de la venue des Polonois, dés
lors qu’elles furent entendues à la Cour du tyran,
& au camp deuant la Rochelle, comme ie
t’a y dit, n’ayent eſté aucunement cauſe de faire leuer le
ſiege & d’accommoder les affaires de
nos freres de la Rochelle.
L'hi. Ce ſont choſes merueilleuſes que les œuures
de noſtre Dieu. Et a y bien penſer, à vray
dire, on ne ſe peut remettre à la memoire l’iſſue
du ſiege de la Rochelle, de Sancerre, & du
ſiege de Soimmieres, dont tu me parlois n’agueres,
qu’on ne voye clairement & à l’œil que
Dieu y a monſtré & fait paroiſtre : d’vne part l’innocence
& iuſtice des ſiens : & d’autre part par
confequent l’iniuſtice & infame deſloyauté de
ſes ennemis. Car l’eſtonnement des trahiſons
& maſſacres ſi cruels & inopinez eſtoit plus
que ſuffiſant pour faire perdre le cœur aux plus
vaillans & aguerris.
Page:Reveille-matin des François, 1574.djvu/363
Le texte de cette page a été corrigé et est conforme au fac-similé.
157
D I A L O G V EI I.
