rez, Geuoudam , Scneſchauſſee de Thoulouze,
Auvergne, Rouergue, haute & baſſe Marche,
Quercy, Perigort, Limoſin, Agenois, Armaignac,
Cõmẽges, Cõſerãs, Bigorre, Albret, Foix,
Laurageois, Albigeois, pays Caſtrez, de Villelaugues,
Mirepoix, Carcaſſez, & autres pays &
prouinces adiacentes, eſquelles par grace de
Dieu y a grande quantité d’Egliſes, pas vne d’elles
n’a fait conte, ny n’a daigne s’amuſer aux paroles
de ceſt Edit, n’auſſi pareillemẽt nos freres
que ie t’ay dit du Dauphiné.
L’hiſt. O qu’ils ſont ſages ! pourueu qu’ils ſachent
ſe tenir touſiours ſur leurs gardes, & ne
plus s’attendre au Tyran. C’eſt le ſeul moyen
pour r’auoir leurs libertez & priuileges, & pour
garder auec leurs vies, leurs biens, cheuances,
& honneurs, que perſonne ne leur rauiſſe la liberté
de leur conſcience, & l’exercice de la religion.
Mais ie te prie de me dire, cõme il va de ceux
de Sancerre. C’eſt Edict dernier n’en parle il
point ?
Le pol. Rien du tout. Quoy que nos freres de
la Rochelle en ayent fait bien grande inſtance,
ſachant le calamiteux eſtat où ils eſtoyent reduits,
Mais ie te diray ſommairement ce que
i’en ſcay.
Quant à nos poures freres de Sancerre, le
Sieur de la Chaſtre Gouuerneur pour le Tyran
en Berry, les aſſiegea dés le mois de Ianuier dernier
paſſé, fit batterie auec dixhuict ou vingt
pieces d’artillerie, en diuers endroits de leur
