l’annee auparauant ils auoyent commandé en
chef.
Quintus Fabius ayant eſté Cõſul marcha gayement
ſous ſon frere Marcus Fabius. Et Manlius
Conſul en vne armee contre les Thoſcans,
ne refuſa de ſe trouuer en la bataille commandé
de ceux qui luy auoyent obei. C’eſtoit vn ordinaire
à Rome que celuy ne deſdaignoit pas d’accepter
la petite charge qui auoit exercé la plus
grande.
Et combien que cela ne ſemblaſt pas honorable
pour le priué, ſi eſtoit-il bien fort vtile pour
le public : car à la verité dire vne Republique ſe
doit beaucoup plus aſſeurer & eſperer d’auãtage
és deportemens d’vn citoyen qui d’vn grand degré
deſcend volontiers au bas ou mediocre, que
non pas de celuy qui ne taſche qu’à monter & à
deuenir grand. A vn tel on ne ſe peut guere bien
raiſonnablement fier s’on ne l’accompagne touſiours
de gens de tel reſpect, de telle vertu & reputation
qui peuſſent par vn graue & prudent Conſeil
& par leur autorité moderer le deſir de nouuelleté
& de remuement qui ſe pourroit facilement
loger dedans le cœur & cerueau d’vn tel
homme.
Le pol. Il eſt ainſi. Et auſsi nos freres eſperent que
la Nobleſſe fille naturelle & legitime de la vertu
& prudence, qui a ſa vraye ſource de la crainte de
Dieu, ſe lairra tellement conduire au deſir qu’elle
a de voir le regne de Dieu auancé, & l’Egliſe
conſeruee, qu’elle fera fort aiſément tout ce qui
pourra appartenir au bien d’vn ſi precieux ſerui-
