le pluſt oſt ſes armes, que nous noſt re rebellion.
L’amour eſt vne vertu non petite, & naturellement
veut commencer du plus parfaict , du vray
Prince, vers ſes ſuiets : du vray pere, vers ſes enfans,
deſcendant, pluſt oſt que montant : & lors
par vne certaine reflexion les enfans commencẽt
à aimer le Pere : les ſuiets, le Prince.
Et cõme c’eſt aux peres de cõmencer, auſsi eſt -ce à
eux-meſmes de recõmencer, s’il s’interrompt
& s’ils vienent à desfiance, de cercher les moyens
de les aſſ eurer.
Brief, qu’on conſidere le droit, ou l’honneur, il
eſt touſiours requis à vn Roy, de quitter les armes
premier, que ſes ſuiets : à plus forte raſon
l’eſt -il requis, ô compagnons, à vn tyran, traiſt re,
& perfide, duquel le mieux traité de ſes ſuiets reçoit
ce mal de luy eſt re ſerf, & eſclaue, cõtre tout
droit & deuoir.
Ce ieune homme ſembla ſi vieux, ſi prudent
& ſage en ſon diſcours, qu’il n’y eut homme en la
compagnie qui ne couruſt de pieds, & mains tout
ſoudain apres ſon auis : ainſi fut la première reſolution
d’entre eux priſe de ne plus ſe deſarmer,
pendant que le tyran, & ſes ſatellites ſeroyent armez,
comme de nouueau confirmee par les voix
& ſuffrages de tous les aſsiſt ans : auſquels ſuyuãt
les raiſons de ce vieux ieune homme ſembla bon
d’ainſi le faire : tant pour conſeruer la reputation
du roy Charles neufieme, auquel, comme à bon
pere de famille (car ainſi auſsi s’appelle il ſoy-meſme)
touche de ſe deſarmer le premier : Que
(& plus veritablement) pour garder auec leurs