ſance de la deité, & corrompu & diſsipé en toutes
ſortes la Religion, laquelle eſt le principal lien de
la ſocieté humaine.
Item s’il faut fuyr la ſedition en la police humaine,
à plus forte raiſon la faut il fuyr en l’Egliſe
de Dieu & aſſemblee Chreſtiene : laquelle eſt
liee & conioincte eſtroitement par le treſſainct
& ſacré lien du ſainct Eſprit. Cependant en la tyrannie
Eccleſiaſtique du Pape, qui a corrompu
toute doctrine & violé tout ordre en l’Egliſe, n ayant
eſté permis d’aſſembler vn Synode libre, qui
euſt eſté comme les trois eſtats en la police, auquel
il euſt fallu recourir, n’ayant, dis ie, eſté loiſible
de l’aſſembler, parce qu’il euſt eſté beſoin le
demander aux meſmes tyrans, & par conſequent
approuuer la tyrannie Papale : cependant, dis-ie,
il a eſté permis à vne partie, pendant que la plus
grand part ſommeilloit en profondes tenebres,
de ſe diſtraire d’icelle tyrannie, ſans encourir entre
les bons le nom de ſciſmatique. Pourquoy eſtimerons-nous
ceux-là ſeditieux qui ſe retirent
de la ſuiection d’vn magiſtrat periure, perfide,
cruel oppreſſeur de peuple, mangeſuiet, de l’infameté
duquel toute la terre eſt infectee ?
L’hi.Mon Dieu que ie ſuis aiſe de t’auoir ouy auancer
& deduire tant de bonnes & belles raiſons pour
la iuſtification de nos freres. Elles ne
ſont que trop ſuffiſantes pour prouuer, qu’il a eſté
loiſible à la Rochelle & autres villes & provinces
oppreſſees du reng deſquelles on peut mettre
toute la France, au quatre coins & au milieu,
de l’obeiſſance & ſuiection du tyran : & pour le
Page:Reveille-matin des François, 1574.djvu/299
Le texte de cette page a été corrigé et est conforme au fac-similé.
93
D I A L O G V EI I.
