partie du corps eſt ſi extremement greuee, qu’elle
ne peut plus ſupporter ſon mal ? En tel cas il
faudra diligemment conſiderer, quelle eſt la cauſe
de ſes plainct es, & le but auquel elles tendent.
Car il y en peut auoir qui ſe plaindront de la tyrannie,
enuers lesquels toutefois on n’vſera que
de iuſt e & legitime commandement.
Eſt ans certains de la bonté & iuſt ice des complaignans,
en ſe ſouuenant qu’il n’eſt pas permis
à vne partie, ſoit en chaſt eau, ville ou prouince,
ce qui eſt propre & appartenant au tout : apres
que celle partie greuee aura admonneſt é & auerty les
autres ſes compagnons de leur deuoir &
charge : & qu’ils n’y voudront entendre : il luy ſera
permis & loiſible par tout droit & raiſon diuine,
humaine, politique & des gens : non de deſmettre
le tyrã, iaçoit que par le droit il deuſt eſt re
deſmis : mais fort bien de ſe ſouſt raire de ſa ſuiect ion,
& de ſe deffendre contre la tyrannie, & violence
de celuy, qui au lieu d’eſt re Paſt eur & pere
du peuple en eſt le volleur & brigand.
Cela peut il faire en bonne conſcience, & laiſſ er
perir cependant qui veut perir à ſon eſcient.
N’eſt ant aucunement raiſonnable que pour la laſcheté
& nonchalance d’autruy mon droit, mon
bien, mon honneur & ma vie, voire mon propre
ſalut ſoit abandonné & perdu.
Par le droit Feudal, pour les meſmes cauſes
que le vaſſ al perd le fief, ſcauoir pour felonie,
pour icelles meſmes le haut Seigneur le perd :
pource que, comme dit la Loy, l’obligation d’en-