né à la mort.
Ainſi auſsi Abdias, qui non ſeulement ne tua
point, ains nourrit & fuſtenta les Prophetes du
Seigneur. Pareillemẽt les Apoſtres, qui tant s’en
faut qu’ils ſe teuſſent, qu’au contraire ils annoncerent
plus librement la parole du Seigneur. Auſſi
eſtoit ce leur vocation particuliere, à laquelle
ils ne pouuoyent autrement ſatisfaire qu’en ce faifant.
Et partant auiourdhuy és terres des Princes
prophanes, ſuperſticieux & tyrans, deſquels le nõbre
n’eſt que trop grand, qui deffendẽt d’annõcer
la Parole de Dieu, & commandent d’aſsiſter aux
ſeruices des faux dieux cõtrouuez dans le cerueau
des hommes : s’il s’y trouue quelque Chreſtien,
(comme Dieu mercy il y en a bon nombre) nous
ne dirons pas qu’il ſe ſoit acquitté de ſon deuoir,
quand ſeulement il ſe ſera abſtenu de communiquer
aux faux ſeruices, ſi quand & quand il ne fait
tout ce qu’il luy ſera poſsible pour ſe trouuer és
aſſemblees Chreſtienes, ouyr la parole de Dieu,
& communiquer aux prieres & ſacremens de l’Egliſe
Chreſtiene.
Le roy Ozias ayant voulu vſurper l’office de
Sacrificateur, fut dechaſſé hors du Temple par
Azarias, & octante autres Sacrificateurs ſes compagnons :
deſquels le fait fut approuué de Dieu,
& celuy d’Ozias condamné : de ſorte qu’il en fut
frappé de lepre de la main du Seigneur & contraint
de finir ſa vie tout lepreux, & miſerable, en
vne maiſon ſequeſtree & à part.
Page:Reveille-matin des François, 1574.djvu/285
Le texte de cette page a été corrigé et est conforme au fac-similé.
79
D I A L O G V EI I.
