uoit en rien ſeruir, ny ſoulager, enuoyerẽt deuers
le comte de Montgomery vn petit eſquif, auec
ſept hommes dedans, qui paſſerent en deſpit de
l’ennemy, au trauers de ſon armee, fauoriſez des
vens, & des vagues : pour remercier le comte de
Montgomery, & le prier qu’il ne ſe miſt aucunement
en plus grand danger pour eux, ains ſe reſeruaſt
à meilleure rencontre : qu’ils eſtoyent reſolus par
la grace de Dieu, de ſe bien deffendre,
contre les aſſaux de l’ennemy, & de mourir tous
l’vn, apres l’autre, auec leurs femmes, & enfans,
pluſtoſt que ſe rendre à la mercy de ces perfides.
Le pol.Ce fut vn trait fort magnanime, que celuy
de ces bõnes gens. Au lieu que le cœur, cõme il
ſemble, leur deuoit faillir, & manquer : il leur eſt
lors, tout au rebours, accreu cõtre le ſens cõmun.
La neceſsité eſt puiſſante à faire reſoudre les gẽs :
mais certes, Dieu les fortifie touſiours au beſoin.
L’hi.C’eſt tresbien dit. Or le comte de Montgomery
voyant le bon courage de ces poures Rochelois,
apres leur auoir enuoyé vn batteau à l’auẽture,
que l’on dit, auec deux milliers de poudre à canon,
& quelque peu de muys de bled, qui par grace
de Dieu, arriuerẽt à bõ port, & ſi à point qu’ils
trouuerẽt ces bõnes gẽs preſque au bout de leurs
poudres, & de leurs bleds, apres cela (dis-ie) craignãt
que l’ẽnemy ne le vint charger à defprouueu
à Belle-iſle, où il n’auoit ny port ny fort, rõpit ſõ
armee, où (ſelon que la creãce en ce tẽps eſt bonne
parmy les Capitaines & ſoldats) elle ſe rõpit elle
mefme. Le Capitaine Hippi ville, qui auoit vn
fort bon,beau, & bien armé nauire, s’alla rẽdre à
