ains vn autre enfant de quelque bõ Papiſte que ce
ſoit, deuãt l’idole abominable, à vn miniſtre de Satan,
ny voir prophaner le ſainct Bapteſme, par
leur creſme, par leurs crachats, & autres telles execratiõs
cõtraires à l’inſtitutiõ, & pratique de Ieſus
Chriſt, des Apoſtres, & de l’anciene Egliſe.
L’hiſt. Il ne faut pas que tu t’esbahiſſes de cela, le
myllord de Vvenceſter eſt Papiſte, Dieu luy face
miſericorde. Ie m’aſſeure qu’vn mylord d’Oktincthõ,
vn myllord de Bethford, le ſeigneur de Vvalzingham,
qui pour lors eſtoit ambaſſadeur en Frãce,
ou quelque autre religieux Seigneur, n’auoit
garde d’accepter telle charge, ny la Royne de la
luy donner : mais il y a bien de quoy s’esbahyr de
la Royne, qui ſcait cõbien telle prophanation eſt
deſplaiſante deuant Dieu, & cependãt elle ſe moque
de la cognoiſſance receue, & ſemble n’en faire
que le cerf.
Le pol. C’eſt merueille, de voir cõme les grãs (vers
de terre neantmoins ) ſe diſpenſent de deſobeir à
leur Souuerain, cõme ſi ſa loy treſentiere ne les attouchoit
en rien. A ce que tu dis, il ſemble, que
tãt plus ce tyrã eſt meſchãt, tãt plus elle l’honore.
L’hi. Elle le fait pluſtoſt pour crainte, que pour l’amour
qu’elle luy porte : c’eſt cela qui l’a fait auſsi
vouloir eſtre ſa belle ſœur, pẽſant eſchapper bien
par là, les embuſches de ſon cõpere, & garãtir par
ce moyen, l’Angleterre de ſes aguets : mais Dieu
ſcait, ſi ce n’eſt pas pluſtoſt ſe perdre, ſe rẽdre malheureuſe
deuãt le tẽps, & accelerer ſa ruine par
les noces du frere, comme la Frãce, par les noces
de la ſœur.
Page:Reveille-matin des François, 1574.djvu/269
Le texte de cette page a été corrigé et est conforme au fac-similé.
63
D I A L O G V EI I.
