— Ji l’aveus si bin dit, dai, l’aveus-je si bin dit vormint !
— C’est ine boude, vos n’l’avîz nin si bin dit ; nona vormint.
— Sia ji l’aveus todi dit, qu’i vainri.
— Eh bin ont v’nou paret, ont v’nou, et vola.
— Si v’m’avîz hoûté, et mettou co n’clame di’ pu.
— I n’lârîz nin râyi muteoi èdon, pace qui ç’àreut stu voss clame ?
— Taihiz-ve ! Edon Trinette qui j’l’aveus todi dit qu’i vainri ?
— Awet, noss dame, qui v’l’aviz si bin dit ; et mi ji l’aveus dit ossu. Mains avou noss moncheu, paret…
— Taihive, savez-vos, ni k’minciz nin co à stâper.
— Trinette pout portant bin dire li vraie ; et vola li vile djeune dyle èvoye loukiz à c’t’heure. Ji l’aveus si bin dit, dai, qu’i vainri. Et ont v’nou, loukiz !
— Ont v’nou, paret. Vola.
— Justumint l’vix dédon qui j’voléve rosti à l’Noyé. Vo n’aurez nol aute, savez ; vos magnerez çou qu’vo vorez, mains…
— Ji magnerai n’tâte di maquaye avou n’cute peure à l’copette. Et ji clorai m’gueuye, av’oyou ?
C’est mon oncle qui crie et est tout fâché.
