Cette page a été validée par deux contributeurs.
En ung instant sans auchun cry le donne,
Sans envoier messagier ne herault.
Le Premier.
Or sa, maistre, ung pou parler nous fault
D’auchuns signes merveilheus advenuz
Puis auchuns temps que nous avons congnus :
Princes mourir en leur fleur de jeunesse,
Prebstres bruller, prendre Dieu a la messe
En commetant commune vitupere,
Gens se pendre, le fils tuer la mere,
Gens verolés sans quelque medicine.
Bien dire fault que c’est quelque mistere,
Ou que couru il a ung maulvais signe.
L’Astraloge.
Il faut craindre pugnition divine
Plus que le temps pour humain sentement.
Secundus.
Et l’erchaufault qui cheut derrienement
A ses joustes[4] ?
- ↑ sans auchű il dőne
- ↑ ne messagier.
- ↑ q̄ nous cőgnlus
- ↑ Jehan Molinet (Chroniques, éd. Buchon, 1828, V, p. 88) rapporte l’accident arrivé lors de l’entrée du roi Louis XII à Paris, le 2 juillet 1498 :« Pour monstrer la magnificence de ceste entree furent faictes plusieurs joustes en Paris, et pour icelles veoir plusieurs eschaffaulz dreschés, ou monterent gens a telle multitude que l’ung d’iceulx eschaffaulz rompit ; dont ceulx estant dessubs furent estains, suffoquez et mors jusques en nombre de trente personnes, et environ de cent a cent cinquante navrez, qui fut chose pitoiable et fort lamentable. Entre les mors fut recœilli sur la place le seigneur de Frentaine, richement accoustré de grosses chaisnes d’or ; ung aultre seigneur d’Angers, et autres de divers quartiers et nation. Non obstant ce pitoiable et dommageable inconvenient, le roy, par ses Suisses, fit recœillir et despouiller lesdits mors, et, en moins d’une petite heure, eurent netoyé la place, et commencherent les nobles a jouster et faire leurs emprinses, comme si riens ne fusist advenu, sans avoir pitié ne compassion des trespassez. »
