Page:Recueil général des sotties, éd. Picot, tome I.djvu/247

Le Prince.

Du haust dieu Mars. O traître Gemini,
Ceras tu point une fois forbani^[1]
De ce climat par ta faulte vileine, 60
Et que le monde fust en pais et uny,
Sans tant d’esteurs ?

v°

L’Astraloge.

Sans tant d’esteurs ? Par mon ame, a grant paine.
Tel a esté bailly et capitaine
Qui maintenant se voyt desapointé
Par Gemini^[2].

Primus.

Par Gemini. C’est vérité certaine ; 65
Tousjours y a de la duplicité.

Secundus.

Dieu se joue des grans.

L’Astraloge.

Dieu se joue des grans. C’est vérité.
Faire le peut : justice est a sa dextre.
Quant il a tout bien veu et escouté,
Pugnir il peut come seul juge et maistre, 70
Et ne soit on auchun remede mettre
A son grant coupt. Il n’esparne personne.

Secundus.

Autant luy est le lay comme le prebstre,
Quant ungne foys a plaisir s’y adonne.^[3]

L’Astrologe.

Dieu ne a regart n’a chapeau ne a couronne.75
Quant il luy plaist donner mortel assault,

1. fort bani
2. Les historiens ne mentionnent pourtant que peu de changement dans l’administration du royaume après la mort de Charles VIII.
3. a m.