Cette page a été validée par deux contributeurs.
Primus.
Bien soiés revenu,
Nostre maistre !
L’Astrologue.
Sa, n’est pas advenu
Ce que j’ay dist desja deux ou troys foys ?
Secundus.
Il m’en souvient, je l’ay bien retenu ;
Menti n’avés d’un seul mot a tous troys.
L’Astrologue.
Pensés, enfans, que je m’y recongnoys
Auchunement, celon droitte escripture ;
Mès Dieu peult toult, qui est le roy des roys,
Et son plaisir fait d’umayne nature.
Primus.
Tant de proucez nourir ?
Secundus.
C’est quelque ordure
Qui court ainsi durant ceste ceson.
L’Astrologue.
Par Dieu, par Dieu, tant que le signe dure,
L’ær ne sera net de ceste poueson.
Le Prince.
Quel signe esse, venons en la raison,
Qui de venin est tellement guarny ?
L’Astrologue.
C’est Gemini, qui regne en la maison
Du haust dieu Mars[3].
