Le texte de cette page a été corrigé et est conforme au fac-similé.
129
néphélococugie
Iris
Genin
Comment, Deesse, ou femme ou bien pucelle ?
Iris
Pourquoy cela ?
Genin
Aucun de nous n’ira-t-il l’arrester ?
Iris
Arrester moy ?
Genin
Iris
De m’empoigner, moy qui suis si agile,
Et qui me peuz invisible escouler
Dedans la nue en l’espaisseur de l’air,
Ou me changer en mille et mille sortes.
Genin
Qui t’a permis d’entrer ainsi aux portes
De nostre ville, et noz murs traverser
Pour nous braver et pour nous courroucer ?
Iris
Je ne sçay point quelles portes j’ay ores
Peu traverser.
Genin
Qui t’a donné sauf-conduict ?