DE LA TROISIÈME R A C E.
‘77
çaJ Lettres concernant l’Administration, les Biens et les Revenus des Hôpitaux de Bordeaux.
LOYS, par la grâce de Dieu, Roy de France, à nos chers et bien-aimei P. Harain, chanoine de Saint-Sevrin de nostre ville de Bourdeaux, le soubs maire de nostre ville de Bourdeaux, R. Roitain et B. Olivier, salut. Nous avons, puis n’agueres, esté advertis que, par le deffault des commis au gouvernement des hôpitaux et maisons dieu de nostre ville et cité de Bordeaux, territoire et jurisdiction d’icelle, lesdites maisons sont tournées et cheues en si grande ruine et dccadence, et parce qu’iceux commis ont prins et applique les revenus d’iceux et les meubles qui y estoient à leur singulier profit, tellement que de présent n’y peuvent plus pauvres, au moins que bien peu, estre receus ne hébergés, et y est du tout le divin service discontinué à ceste cause, par quoy l’intention des fondateurs d’iceux est entièrement deceue et defraudée. Et pour ce qu’à nous appartient donner provision sur les maisons-dicu et hospitaux de nostre royaume, afin qu’aucun inconvénient ne s’en ensuive et qu’ils ne tournent à ruine et decadence, mais, pour reverence de Dieu nostre créateur, les augmenter de tout nostre pouvoir et le divin service y estre fait et accomply, et ainsi qu’avoit esté d’ancienneté fait et accomply, selon l’intention des fondeurs (b) d’iceux, confians de vos sens, science, loyauté, preudhomie et diligence, vous mandons, commettons par ces présentes, qu’appellé nostre procureur, vous vous informez diligemment de et sur les choses dessusdictes et leurs circonstances et dépendances, et quels biens iceux commis au gouvernement desdits hospitaux et maisons - dieu de nostre ville et cité de Bordeaux, territoire et jurisdiction d’icelle, et chacun d’eux, ils ont receus et qui leur furent baillés en prenant la possession d’iceux, et où ils les ont mis et employés, et quels il leur a depuis esté donnés et laissés soit par testament ou autrement, quels deniers ils ont receus depuis leur institution jusques à présent et où ils les ont employés, et quels inventaires en ont esté faits et où ils ont employé le revenu d’icelles maisons et hospitaux, en les contraignant à ce faire et à vous bailler iceux inventaires et à vous rendre leurs comptes et reliqua par toutes voyes et maniérés deues et en tel cas requises, pour ledit reliqua avec tout le revenu, dons et legs qui, d’ici en avant, seront deubz et faits auxditz hospitaux et maisons-dieu, estre par vous ou vostre ordonnance employés d’ores en avant ez réparations nécessaires d’iceux et au sainct service divin qui d’ancienneté y estoit accoustumé estre fait et continué, le tout ainsi que l’intention des fondeurs estoit de ce faire pour la fondation d’iceux, les nécessités desdits pauvres repairans (c) esdits hospitaux, et des maisons et gouvernement d’iceux raisonnablement prins et à eux délivrés, jusques à ce qu’ils soient entièrement reparés et mis en estât deub et competant, ou que par nous ou nostre aumosnier autrement en soit ordonné, en y commettant autres gens seurs et notables au gouvernement et administration desdicts hospitaux et maisons-dieu : sy voyés que lesdicts ou les aucuns d’eux ne se soient bien et duement gouvernés, car ainsi nous plaist-il estre fait, nonobs-Notes.
Louis XL
à Bourges,
le 26 Février
- 475’
(a) Registre du Parlement de Bordeaux, (b) Fondateurs. fri. 149. (c) Demeurans.
Tome XVIII. Z
