XLII.
L’Vrne trouuée. la cité tributaire,
Champs diuisez. nouuelle tromperie :
L’Hispan blessé. faim, peste, militaire,
Moq obstiné, confus. mal, resuerie.
XLIII.
Vierges & vefues, vostre bon temps s’approche,
Point ne sera ce que l’on pretendra :
Loin s’en faudra que soit nouuelle approche,
Bien aisez pris. bien remis. pis tiendra.
XLIV.
Icy dedans se paracheuera,
Les trois Grâds hors le Bon bovrg sera loing :
Encontre d’eux l’vn d’eux conspirera,
Au bout du mois on verra le besoin.
XLV.
Propos tenuz, nopces recommencées,
La Grande Grande sortira hors de France :
Voix à Romagne de crier non lassée,
Reçoit la paix par trop feinte asseurance.
XLVI.
La ioye en larmes viendra captiuer Mars,
Deuant le Grand seront esmeus Diuins :
Sans sonner mot entreront par trois pars,
Mars assoupi. dessus glas troutent vins.
1560.
XLVII.
Journée, diete, interim, ne concile,
L’an paix prepare, peste, faim schismatique :
Mis hors dedans. changer ciel, domicile,
Fin du congé. reuolte hierachique[1].
- ↑ Lisez : hiérarchique.