l’ont prise, iusques à ce qu’ils l’ayent viiidée, leur eschauffant continuellement restomach, et les pieds. Comme les Allemans ont de particulier, de se faire généralement tous corneter et vantouser, auec scarification dans le bain : ainsin ont les Italiens leurs doccie, qui sont certaines gouttières de cette eau chaude, qu’ils conduisent par des cannes, et vont baignant vne heure le matin, et autant Tapres disnée, par l’espace d’vn mois, ou la teste, ou l’estomach, ou autre partie du corps, à laquelle ils ont affaire. Il y a infinies autres différences de coustumes, en chasquc contrée : ou pour mieux dire, il n’y a quasi aucune ressemblance des vnes aux autres. Voylà comment cette partie de médecine, à laquelle seule ie me suis laissé aller, quoy qu’elle soit la moins artificielle, si a elle sa bonne part de la confusion et incertitude, qui se voit par tout ailleurs en cet art.Les poètes disent tout ce qu’ils veulent, auec plus d’emphase et de grâce ; tesmoing ces deux epigrammes.
Alcon hesterno signum louis altigit. Ille,
Quamuis marmoreus, vim patitur medici.
Ecce hodic iussus Iransferri ex eede vetusta,
Effertur, quamuis sit Deus atque lapis.
Et l’autre,
Lotus nobiscum est, hilaris csenauit, et idem
Inuentus mane est mortuus Andragoras.
Tarn subitee mortis causam, Faustine, requiris ?
In somnis medicum viderai Hermocratem.
Sur quoy ie veux faire deux comtes.Le Baron de Caupene en Chalosse, et moy, auons en commun le droit de patronage d"vn bénéfice, qui est de grande estenduë, au pied de noz montaignes, qui se nomme Lahontan. Il est des habitans de ce coin, ce qu’on dit de ceux de la valée d’Angrougne ; ils auoient vne vie à part, les façons, les vestemens, et les mœurs à part:régis et gouuernez par certaines polices et coustumes particulières, receuës de perc en tilz, ausquelles ils s’obligeoient sans autre contrainte, que de la reuerence de leur vsage. Ce petit estât s’estoit continué de toute ancienneté en vne condition si heureuse, qu’aucun iuge voisin nauoit esté en peine de s’informer de leur affaire ; aucun aduocat employé à leur donner aduis, ny estranger appelle pour esteindre leurs querelles; et n’auoit on iamais veu aucun de ce destroit à i’aumosnc. Ils fuyoient les alliances et le commerce de l’autre monde, pour n’altérer la pureté de leur police : iusques à ce, comme ils recitent, que l’vn d’entre eux, de la mémoire de leurs pères, ayant l’ame espoinçonnée d’vne noble ambition, alla s’aduiser pour mettre son nom en crédit et réputation, de faire l’vn de ses enfans maistre lean, ou maistre Pierre : et l’ayant faict ins-
