portee. De vray, l’effort d’vn desplaisir, pour estre extrême, doit estonner toute l’ame, et luy empescher la liberté de ses actions : comme il nous adulent à la chaude alarme d’vne bien mauuaise nouuelle, de nous sentir saisis, transsis, et comme perclus de tous mouuemens : de façon que l’ame se relaschant après aux larmes et aux plaintes, semble se desprendre, se desmeller, et se mettre plus au large, et à son aise.
En la guerre que le Roy Ferdinand mena contre la veufve du Roy Iean de Hongrie, autour de Bude, vn gendarme fut particulièrement remerqué de chacun, pour auoir excessiuement bien faict de sa personne, en certaine meslee : et incognu, hautement loué, et plaint y estant demeuré : mais de nul tant que de Raiscïac Seigneur Allemand, esprins d’vne si rare vertu : le corps estant rapporté, cetuicy d’vne commune curiosité, s’approcha pour voir qui c’estoit : et les armes ostees au trespassé, il reconut son fils. Cela augmenta la compassion aux assistans : luy seul, sans rien dire, sans siller les yeux, se tint debout, contemplant fixement le corps de son fils : iusques à ce que la vehemence de la tristesse, aiant accablé ses esprits vitaux, le porta roide mort par terre.
disent les amoureux, qui veulent représenter vne passion insupportable.
Aussi n’est ce pas en la viue, et plus cuysante chaleur de l’accès, que nous sommes propres à desployer nos plaintes et nos persuations : l’ame est lors aggrauee de profondes pensées, et le corps abbatu et languissant d’amour : et de là s’engendre par fois la défaillance fortuite, qui surprent les amoureux si hors de saison ; et cette glace qui les saisit par la force d’vne ardeur extreme, au giron mesme de la iouïssance. Toutes passions qui se laissent gouster, et digérer, ne sont que médiocres,
La surprise d’un plaisir inespéré nous estonne de mesme.
Outre la femme Romaine, qui mourut surprise d’aise de voir
