Le texte de cette page a été corrigé et est conforme au fac-similé.
121
DE MARIE DE FRANCE.
Serunt Oisel mis à lur fin ;
Dou lin puet-hum la reiz lacier[1]
Dunt-hum les puet tus damagier.
Tuz les Oisiaus fist assanbler,
Si lur vuleit conssel douner
K’il alassent les lins mengier,
K’il ne puissent fructéfier[2].
Li plusur nel’ volrent fère,
Au Seméour i vunt retraire[3]
Le cunseil que lur ot duné.
Quant l’Arunde l’ot escuté,
De ses parens fist assamblée
Od les meillurs de sa lingnée[4] ;
Si lor a ceste œvre cuntée
Cum il l’aveient encusée,
E r’aviliée et desturbée[5].
Puis s’est au Vilain acordée
K’en sa maisun sufri sun ni ;
Là furent si Oisel nurri,