Pur la busuin de mun Seignur,
Querrai cungé devant le jur,
Que mes termes esteit asis,
Ke od lui sereit al païs.
A la Pucele irai parler,
E tut mun afere mustrer,
Ele me dirat sun voler,
E jol’ ferai a mun poer.
Li Chevaler n’ad plus targié
Al Rei veit prendre le cungié
L’aventure li cunte è dit,
Le bref li ad mustré è lit,
Que sis Sires li envéia,
Que par destresce le manda ;
Li Reis oï le mandement,
E qu’il ne remeindra nient.
Mut est dolent, è trespensez,
Del’ suen li ad offert asez
La terce part de s’hireté
E sun trésur abaundoné ;
Puis remaneir tant li fera,
Dunt à tuz jurs le loera.
Par Deu, fet-il, à cest feiz,
Puis que mis Sires est destreiz,
E il m’ad mandé de si loin
Jo m’en irai pur sun busoin.
Ne remeindrai en nule guise,
S’avez mestier de mun servise,
Page:Marie de France - Poésies, éd. Roquefort, I, 1820.djvu/460
Cette page a été validée par deux contributeurs.
444
LAI D’ELIDUC.
