Le Fiz respunt : par fei, bel Père,
Assemblerai vus è ma Mère,
Sun Seignur qu’ele ad ocirai
E espuser l’a vus ferai :
Cele parole dunc lessèrent
E al demain s’apareillèrent ;
Cungé prenent de lur amis,
Si s’en revunt en lur païs.
Mer passèrent hastivement,
Bon ore eurent è suef vent ;
Si cum il eirent le chemin,
Si encuntrèrent un Meschin,
Del’ Amie Milun veneit
En Bretaigne passer voleit :
Ele li aveit envéié,
Ore ad sun travail acurcié ;
Un brief li baille ensçelé
Par parole li ad cunté
Que s’en venist, ne demurast,
Morz est sis Sires or s’en hastast.
Quant Milun oï la novele
A merveille li sembla bele ;
A sun Fiz ad mustré è dit,
Ni ot essuigne, ne respit.
Tant eirent que il sunt venu
Al chastel ù la Dame fu ;
Mut par fu liez de sun beau Fiz
Qui tant esteit pruz è gentiz,
Page:Marie de France - Poésies, éd. Roquefort, I, 1820.djvu/380
Cette page a été validée par deux contributeurs.
364
LAI DE MILUN.
