Cette page a été validée par deux contributeurs.
274
LAI D’YWENEC.
Ki à riche humme fu dounée
Pur sa biauté fu mult amée.
Purqu’en fereie autre parole,
Ne n’ot sun per desc’ à Incole ;[1]
Ne très-que Yllande de là,[2]
Grant péchié fist qui li duna,
Purce qu’ele ert et bele et gente ;
En li garder turna s’entente,
Dedens sa tur l’a enserrée,
En une grant chambre pavée.
Il ot une soë serur ;
Viele ert è vueve sanz seignur :
Ensemble od la Dame l’a mise,
Pur lui tenir plus en justise ;
Autres fames i ot ce croi,
En une autre chambre par soi.
Mès jà la Dame ne parlast,
Se sa Vieille nel’ commandast ;
Einsi la tint plus de set ans,
Unques entre eulz n’orent enfanz ;
Ne fors de celle tur n’issi,
Ne pur parent ne pur ami.
Quant el vuleit aler cuchier,
Ni ot Chamberlenc ne uissier,
