Cette page a été validée par deux contributeurs.
248
LAI DE LANVAL.
Acoisonés fu en ta Cort,
Ne voeus mie que mal li tort ;
De ce qu’il dist, ce saces tu,
Que la Roïne a tort éu !
Unques nul jor ne le requist,
De la vantance que il fist.
Se par moi puet estre aquités,
Par vos Baruns soit délivrés,
Ce qu’il engagerunt par dreit ;
Li Rois otroie que si seit.
N’i a un seul qui n’ait jugié,
Que Lanvax a tout desraisnié ;
Délivrez est par lor esgart,
E la Pucele s’en despart :
Ne la pot li Rois retenir,
Assez ot gent à li servir,
Fors de la salle aveit-un mis,
Un grant peron de marbre bis,
U li poisant hume munteient,
Qui de la Curt le Roi esteient.
Lanvax esteit muntés desus,
Qant la Pucele ist fors de l’us,
Sor le palefroi dérier li,
De plain eslais Lanvax sali.
