Descuverte ot sa druerie.
En une canbre fu tut sox,
Pensix esteit et angusox ;
S’Amie apèle mult suvent,
Mes il ne li valeit noient.
Il se pleigneit è suspireit,
D’eures à autres se pasmeit,
Puis lui crie cent fois merci,
K’ele parlast à sun ami ?
Sun cuer è sa buce maudist
C’est merveille que ne s’ocist ;
Il ne set tant crier ne braire,
Soi débatre ne soi detraire,
K’el en voelle merci avoir
Seul tant qu’elle puisce véoir !
Las, cument se cuntentera
Cil cui li Rois guerroiera.
Cil sunt venu, si li unt dit
K’à la Curt viegne sans respit,
Li Rois l’aveit par eus mandé,
La Roïne l’ot encusé.
Lanvax i va, à sun grant doeul ;
Cil l’euscent ocis sien voeul.
Il est devant le Rois venus,
Mout est pensis, taisant è mus
De grant dolur mustreit sanblant.
Li Roi li dist par mautalent
Vassal, vus m’avez mut meffait ;
Page:Marie de France - Poésies, éd. Roquefort, I, 1820.djvu/244
Cette page a été validée par deux contributeurs.
228
LAI DE LANVAL.
