E as Cuntes è as Baruns,
A cex de la Table Réunde
N’ot tant de tex en tut le munde.
Honurs è terres départi
Fors à un seu qui le servi ;
Ce fu Lanvax, ne l’en suvint,
Ne nus des siens, bien ne li tint.
Pur sa valur, pur sa largesse,
Pur sa biauté, pur sa pruësce,
L’en ameit bien tut li pluisur ;
Tès li mustreit si tant d’amur,
S’au Chevalier mèsavenist,
Jà une fois ne l’en plaisist.
Fix à Roi fu de haut parage,
Mais luins fu de sun hiretage,
De la maisnie le Roi fu,
Mais sun avoir ot despendu.
Car li Rois rien ne li duna,
Ne Lanvax ne li demanda ;
Or est Lanvax mut entrepris,
Mut est dolans, mut est pensis ;
Segnur ne vus en merveilliez,
Ces présents consistoient en dignités, en terres, en chevaux, en armures, en habits. Voy. État de la Poésie françoise, dans les XIIe et XIIIe siècles, p. 87.
Dans la version angloise de Thomas Chestre, on nomme parmi les chevaliers présents, Perceval le Gallois, le sage Gauvain, neveu du Roi Arthur,
