Cette page a été validée par deux contributeurs.
LAI DE LANVAL.
L’aventure d’un autre Lai
Cum il avint vus cunterai ;
Feit fu d’un mult riche vassal,
En Breton l’apelent Lanval.
A Cardueill séjurna li Reis
Artus, li prex è li curteis,
Pur les Escos è pur les Pis
Qui destruiseient mult le païs ;
En la terre de Logres esteient
Et mut suvent la damageient.
En la Pentecuste en esté
I aveit li Reis séjurné ;
Assez duna de rices duns
