A sei méismes se desmente ;
Lasse, fet-èle, que ferai !
Jamès pris ne honur n’aurai !
Hunie suiz, c’est véritez ;
Mis Sire è tut sa parentez
Certes jamès ne me crerrunt
Dès que ceste aventure sauerunt ;
Kar jeo méismes me jugai
De tutes femmes mesparlai.
Dunc dis-jeo que unc ne fu,
Ne nus nel’ avium véu
Que femme deus enfanz éust,
Si deus humes ne conéust.
N’en ai deus, ceo me est avis ;
Sur méi est turné le pis.
Ki sur autre mesdit è ment
Ne seit mie qu’à l’oil li pent.
De tel humme peot l’um parler
Que meuz de li fet aloser.
Por mei defendre de hunir,
Un des enfanz m’estuet murdrir.
Meuz le voil vers Deu amender
Que mei hunir è vergunder.
Ceo qui en la chambre esteient
La cunfortèrent è diseient
Que èles nel’ suffreïent pas ;
De humme ocire n’est pas gas.
La Dame aveit une Meschine
Page:Marie de France - Poésies, éd. Roquefort, I, 1820.djvu/160
Cette page a été validée par deux contributeurs.
144
LAI DEL FREISNE.
